الرئيسية
بعد أن عجزنا مخاطبة الشُرفاء لحل مايدور في العراق قررنا مخاطبة الغير شرفاء
رسالة الى الدكتورة حسنة ملص .
رسالة الى الدكتورة حسنه ملص
ياهلي أشرف منج خاطر أشكيله
دليني ياحسنه وباجر أمشيله
أمشيله وأسولف كل حجي المضموم
قبل حفاي كالوا هسه ماكو هدوم
بيت من القنابل والقصف مهدوم
وحكومة بلا حكومة بغير تشكيله
تنازع على الكراسي والشعب حفاي
وأبشرج لاغذاء لا كهرباء لا ماي
أحنه أهل النفط والكاك عند زلماي
ياحسنه الحكومة تكدر أتشيله
حكومتنه الرشيده ليش هالتأجيل
أي مو مطرت علينه من السمه سجيل
بلوة أحنه أبتلينه قابل أهل الفيل
أي مو هذا أبرهه خلوا يرد فيله
جوعنه أبرهه وجوعة أبو الكفار
7 سنين أسمع ماأشوف أعمار
بس بعض الحكومة أصبحت تجار
بهاي أشهد يحسنة بيوم وبالليلة
تنازع على الكراسي والشعب حمال
وياهو الي يجي باجر نغير الحال
من هاي السوالف حملينه
أشمال أذا ينعدل وضعي ينعدل ذيله
حكومتنه الرشيدة ليش هذا البوك
تره الهذا الشعب قد ماتضيع حقوق
باجر بأنتفاضة نشك جثير أحلوك
عرفنه الباكنه ونعرف اليوم أيله