الرئيسية
مــاكــو تــغــيـيـر
بـقـلم الـشـاعـر الـمُـبـدع
أبـو صـلاح الـسـاعـدي
أكتبت مره اتريد الناس تغيـير ...لأن تبجي الشوارع والدمع سال
طفح ماي البيوت وغركت الكاع ... السبب انقاض جانت ابكبر الأجبال
شح ماي الشرب من كل البيوت ... على الماطور نسمع نغم موال
مجرد حصه عدنه وجاعت الناس ... كلشي ماقبضنه وندفع الأموال
اجه برد الشته ويدك على البوب... ومفتاح النفط بيد الجنيرال
ولا كطرت نفط تبجي الفوانيص ... وعدنا من البرد شكد ماتت اطفال
نشوف التيل واكف يحرس الباب ... على راسه سلك يضويه الهلال
زعلان الضوه وظل اظلم البيت .... ولا مره اعتذر وخلانا عالبال
عدنه اشجم مريض الشاله التابوت ... لان ماكو علاجه والمرض طال
دورنه العلاج ومانشدنه اهواي... مصفط عالرصيف وصاحبه دلال
سألنه عالمدارس ماكو تدريس ... النجح منهم فرح جي طالع اكمال
معلم مالكينه يعلم الطلاب ... لان عده فريق يدرب الأشبال
الشباب بلا شهاده ولادراسه ... يطير اطيور شغله لأن بطال
ضروف العوز ندري تحرف الناس ... حرامي يشتغل لو يكتل ونشال
الشعب كلش تعب ويريد تحسين ...الناس من الفكر انصابت اخبال
المسؤول صرح جايكم خير... تُنجز عكب باجر كُل الأعمال
اكو عدنه دراسه للمشاريع... تتحسن البيئه وكل الأحوال
كلشي ماتحقق من حجي المسؤول ... بقى نفس الشعب وبنفس ذاك الحال
طلع نفس الشعب يطالب بالنجاز... العكب باجر خلص ومتوقفه الأشغال
المهندس ترك شغله وهوه معذور ... وطلب تحقيق وبيهه اوراق تنحال
الأموال اختفت ارقام واوراق ... ولا واحد شهد وكال انه رجال
لادستور عدكم لاقرارات ... ولاقانون واضح يحكم الأنذال
اذن ماكو عداله وضاع حق الناس ... ولابيكم شريف الدافع وكال
كعتوا عالكراسي بفضل هاي الناس... منهم النكتل وعفيتوا الكتال
ومنهم هجروه وكتلو اعياله ... بعمره خلص حمل غراضه وشال
جاوين النزاهه اوين حق الناس ... تدرون الظلم موت الناس وطال
الشعب طب قلب ومتحلي بأخلاق... صعدتوا عالظهره وصار حمال
انزلوا مو وصلتوا ظهره مشلول ... كعد فوك الرصيف ودمعه همال
هذا ابن العراق ابن الجبل والهور ... على حاله التفتوا تره عده اعيال
بـقـلم الـشـاعـر الـمُـبـدع
أبـو صـلاح الـسـاعـدي
أكتبت مره اتريد الناس تغيـير ...لأن تبجي الشوارع والدمع سال
طفح ماي البيوت وغركت الكاع ... السبب انقاض جانت ابكبر الأجبال
شح ماي الشرب من كل البيوت ... على الماطور نسمع نغم موال
مجرد حصه عدنه وجاعت الناس ... كلشي ماقبضنه وندفع الأموال
اجه برد الشته ويدك على البوب... ومفتاح النفط بيد الجنيرال
ولا كطرت نفط تبجي الفوانيص ... وعدنا من البرد شكد ماتت اطفال
نشوف التيل واكف يحرس الباب ... على راسه سلك يضويه الهلال
زعلان الضوه وظل اظلم البيت .... ولا مره اعتذر وخلانا عالبال
عدنه اشجم مريض الشاله التابوت ... لان ماكو علاجه والمرض طال
دورنه العلاج ومانشدنه اهواي... مصفط عالرصيف وصاحبه دلال
سألنه عالمدارس ماكو تدريس ... النجح منهم فرح جي طالع اكمال
معلم مالكينه يعلم الطلاب ... لان عده فريق يدرب الأشبال
الشباب بلا شهاده ولادراسه ... يطير اطيور شغله لأن بطال
ضروف العوز ندري تحرف الناس ... حرامي يشتغل لو يكتل ونشال
الشعب كلش تعب ويريد تحسين ...الناس من الفكر انصابت اخبال
المسؤول صرح جايكم خير... تُنجز عكب باجر كُل الأعمال
اكو عدنه دراسه للمشاريع... تتحسن البيئه وكل الأحوال
كلشي ماتحقق من حجي المسؤول ... بقى نفس الشعب وبنفس ذاك الحال
طلع نفس الشعب يطالب بالنجاز... العكب باجر خلص ومتوقفه الأشغال
المهندس ترك شغله وهوه معذور ... وطلب تحقيق وبيهه اوراق تنحال
الأموال اختفت ارقام واوراق ... ولا واحد شهد وكال انه رجال
لادستور عدكم لاقرارات ... ولاقانون واضح يحكم الأنذال
اذن ماكو عداله وضاع حق الناس ... ولابيكم شريف الدافع وكال
كعتوا عالكراسي بفضل هاي الناس... منهم النكتل وعفيتوا الكتال
ومنهم هجروه وكتلو اعياله ... بعمره خلص حمل غراضه وشال
جاوين النزاهه اوين حق الناس ... تدرون الظلم موت الناس وطال
الشعب طب قلب ومتحلي بأخلاق... صعدتوا عالظهره وصار حمال
انزلوا مو وصلتوا ظهره مشلول ... كعد فوك الرصيف ودمعه همال
هذا ابن العراق ابن الجبل والهور ... على حاله التفتوا تره عده اعيال