ما عاش اليذلك يا عــراق

ما عاش اليذلك يا عــراق الخير ولا عاش الرسملك عالوجه دمعـه
عراق انتَ عراق أمشرف التاريخ وبيارغ هيبتك للعالم مشرعــه
...ثوبك ثوب عزه وأنتَ تاج الراس يا رمز الحضارة وللمجد قلعــه
ابو الوكفات انتَ وأنتَ ابو الطيبات وابو جفوف السخيه وطيب السمعه
مو أنته العراق شبيك هيج يصير يالصايغ حياتك للعرب شمعــه
شچم واحد أجاك يلوذ من الجوع وتمد جفك خبز للجايع تشبعــه
وشچم واحد غرگ ويصيح ها يعراق تلاحكلي غركت وجفوفك طلعـه